യൂറോപ്പില്‍ വന്‍ വ്യാജരേഖാ മാഫിയ പിടിയില്‍

അലികാന്റ്/പാരീസ്: യൂറോപ്യന്‍ യൂണിയനെയാകെ ഞെട്ടിച്ചുകൊണ്ട് അന്താരാഷ്ട്ര തലത്തില്‍ പ്രവര്‍ത്തിച്ചിരുന്ന വന്‍ വ്യാജ രേഖാ നിര്‍മ്മാണ കേന്ദ്രം ഫ്രഞ്ച്~സ്പാനിഷ് സംയുക്ത പോലീസ് സംഘം തകര്‍ത്തു. സ്പാനിഷ് നാഷണല്‍ പോലീസിന്റെയും യൂറോപോളിന്റെയും സഹായത്തോടെ ഫ്രഞ്ച് പോലീസ് സ്പെയിനിലെ അലികാന്റില്‍ ( നടത്തിയ അതീവ രഹസ്യ റെയ്ഡിലാണ് അത്യാധുനിക സജ്ജീകരണങ്ങളോടെ പ്രവര്‍ത്തിച്ചിരുന്ന വ്യാജരേഖാ ലബോറട്ടറി പൂട്ടിച്ചത്.

ഇക്കഴിഞ്ഞ മെയ് 27~ന് നടന്ന ഈ മിന്നല്‍ ഓപ്പറേഷനില്‍ സംഘത്തിലെ ഒരു പ്രധാനി അറസ്ററിലായിട്ടുണ്ട്. യൂറോപ്പിലുടനീളമുള്ള അനധികൃത കുടിയേറ്റക്കാരെയും അന്താരാഷ്ട്ര ക്രിമിനലുകളെയും ലക്ഷ്യമിട്ടായിരുന്നു ഈ സംഘത്തിന്റെ പ്രവര്‍ത്തനം.

റെയ്ഡില്‍ പിടിച്ചെടുത്തത് വന്‍ ശേഖരം:
വ്യാജ പേരില്‍ വാടകയ്ക്കെടുത്ത ഒരു ആഡംബര അപ്പാര്‍ട്ട്മെന്റിലായിരുന്നു ഈ വ്യാജരേഖാ കേന്ദ്രം പ്രവര്‍ത്തിച്ചിരുന്നത്. ഇവിടെ നിന്നും പോലീസ് പിടിച്ചെടുത്തത് ഞെട്ടിക്കുന്ന വിവരങ്ങളാണ്:

വിവിധ യൂറോപ്യന്‍ രാജ്യങ്ങളുടെ എണ്ണൂറോളം വ്യാജ തിരിച്ചറിയല്‍ രേഖകള്‍ (ID Cards, പാസ്പോര്‍ട്ടുകള്‍).

വ്യാജരേഖകള്‍ അച്ചടിക്കാന്‍ ഉപയോഗിച്ചിരുന്ന അത്യാധുനിക ഡിജിറ്റല്‍ പ്രിന്ററുകളും ലേസര്‍ ഉപകരണങ്ങളും.

കള്ളക്കടത്തിന് ഉപയോഗിച്ചിരുന്ന ഒരു വാഹനവും 1,580 യൂറോയുടെ കറന്‍സികളും നിരവധി ഡിജിറ്റല്‍ ഡിവൈസുകളും.

ഓണ്‍ലൈന്‍ വഴി 'ഹോം ഡെലിവറി'; ഉപഭോക്താക്കള്‍ യൂറോപ്പിലാകെ:
വ്യാജ തിരിച്ചറിയല്‍ രേഖകള്‍ പരസ്യമായി വാഗ്ദാനം ചെയ്യുന്ന ഒരു വെബ്സൈറ്റിന്റെ പരസ്യം ശ്രദ്ധയില്‍പ്പെട്ടതോടെയാണ് ഫ്രഞ്ച് പോലീസ് അന്വേഷണം ആരംഭിച്ചത്.

പ്രവര്‍ത്തന രീതി: ഡാര്‍ക്ക് വെബും (Dark Web) പ്രത്യേക ഓണ്‍ലൈന്‍ മാര്‍ക്കറ്റ് പ്ളേസുകളും ഉപയോഗിച്ചായിരുന്നു ഇവരുടെ കച്ചവടം. ഓര്‍ഡര്‍ നല്‍കുന്നവര്‍ക്ക് ഡിജിറ്റല്‍ ഫോര്‍മാറ്റിലും (PDF/Soft copy) യഥാര്‍ത്ഥ രേഖകളെ വെല്ലുന്ന ഫിസിക്കല്‍ ഫോര്‍മാറ്റിലും (Hard copy) രേഖകള്‍ തപാലില്‍ എത്തിച്ചു നല്‍കിയിരുന്നു. യൂറോപ്പിലുടനീളം വ്യാപിച്ചുകിടക്കുന്ന വലിയൊരു കുറ്റവാളി ശൃംഖല (Organized Crime Syndicate) ഇതിന് പിന്നിലുണ്ടെന്നാണ് യൂറോപോള്‍ വ്യക്തമാക്കുന്നത്.

ജര്‍മ്മന്‍ 'വ്യാജ സര്‍ട്ടിഫിക്കറ്റ്' മാഫിയകളും നിരീക്ഷണത്തില്‍; പ്രവാസികള്‍ ജാഗ്രത പാലിക്കുക.

സ്പെയിനിലെ ഈ അറസ്ററിന്റെ പശ്ചാത്തലത്തില്‍, ജര്‍മ്മനിയിലെ വ്യാജ രേഖാ വിപണിയെക്കുറിച്ചും (Fake German Certificates) ജര്‍മ്മന്‍ ആഭ്യന്തര മന്ത്രാലയം അന്വേഷണം ശക്തമാക്കിയിട്ടുണ്ട്.

യൂറോപ്പിലേക്ക് കുടിയേറാന്‍ ആഗ്രഹിക്കുന്നവരെയും നിലവില്‍ ജര്‍മ്മനിയിലുള്ള വിദേശികളെയും ലക്ഷ്യമിട്ട് ജര്‍മ്മന്‍ ഭാഷാ സര്‍ട്ടിഫിക്കറ്റുകള്‍ (Goethe/Telc A1, B1, B2 Certificates), വ്യാജ തൊഴില്‍ പരിചയ സര്‍ട്ടിഫിക്കറ്റുകള്‍, യൂണിവേഴ്സിറ്റി ബിരുദങ്ങള്‍ എന്നിവ നിര്‍മ്മിച്ച് നല്‍കുന്ന നിരവധി സംഘങ്ങള്‍ സോഷ്യല്‍ മീഡിയ വഴിയും ടെലഗ്രാം വഴിയും സജീവമാണ്.

കനത്ത പണി വരുന്നു: യൂറോപ്പില്‍ കര്‍ശനമായ ഡിജിറ്റല്‍ വെരിഫിക്കേഷന്‍ സംവിധാനങ്ങള്‍ നിലവിലുള്ളതിനാല്‍ ഇത്തരം വ്യാജ സര്‍ട്ടിഫിക്കറ്റുകള്‍ ഉപയോഗിച്ച് വിസ നേടാനോ ജോലിയില്‍ പ്രവേശിക്കാനോ ശ്രമിക്കുന്നത് കടുത്ത ക്രിമിനല്‍ കുറ്റമാണ്.

ജര്‍മ്മനിയില്‍ വ്യാജ രേഖകള്‍ ചമയ്ക്കുന്നതും (ഡൃസൗിറലിളറ്റഹരെവൗിഴ) അത് ഉപയോഗിക്കുന്നതും വന്‍ തുക പിഴയ്ക്കും നാടുകടത്തലിനും (Deportation) ജയില്‍ ശിക്ഷയ്ക്കും കാരണമാകും.

അനധികൃതമായി യൂറോപ്പിലേക്ക് വരാന്‍ ശ്രമിക്കുന്നവരും ജോലി തിരയുന്നവരും ഇത്തരം ഓണ്‍ലൈന്‍ തട്ടിപ്പ് സംഘങ്ങളുടെ പരസ്യങ്ങളില്‍ വീണുപോകരുതെന്നും ഔദ്യോഗിക മാര്‍ഗ്ഗങ്ങളിലൂടെ മാത്രം രേഖകള്‍ സമര്‍പ്പിക്കണമെന്നും യൂറോപ്യന്‍ മലയാളി അസോസിയേഷനുകളും സുരക്ഷാ ഏജന്‍സികളും പ്രവാസികള്‍ക്ക് മുന്നറിയിപ്പ് നല്‍കുന്നു.